प्रधानमन्त्रीले भने-जनतालाई धरधर रुवाउने काम नगरौं

'नोट गरेर राख्नोस् सबै माग पूरा हुन्छ'
२६ कात्तिक, काठमाडौं । प्रधानमन्त्री केपी शर्मा ओलीले जायज मागहरु पूरा गर्न सरकार तयार रहेको भन्दै नेपाली जनतालाई रुवाउने काम नगर्न आन्दोलनरत पक्षलाई आग्रह गरेका छन् ।
नेपाल राष्ट्रलाई असर गर्ने तथा नेपाली जनताको शीर निहुराउने काम गर्ने नगर्ने उनले बताए । नेपाल सम्बतको अवसरमा बसन्तपुरमा आयोजित कार्यक्रममा प्रधानमन्त्री ओलीले भने- सानो देश भए पनि कहिल्यै दासता स्वीकार गर्न बाध्य भएन । यो स्वाधीन, सार्वभौमसत्ता सम्पन्न देश हो । यो सगरमाथाको देश हो । यो शीर निहुराउन जान्दैन ।’

मधेस केन्दि्रत दलको आन्दोलनलाई संकेत गर्दै प्रधानमन्त्री ओलीले चिनेजानेका पि्रय साथीहरु बाहिर गएर अलिअलि फट्याकफुटुक गर्न थालेको बताए । उनले भने- ‘म आग्रह गर्न चाहन्छु, यो सरकार उदार छ र सबैलाई साथ लिएर, सबैको कुरा सुनेर जायज माग पूरा गरेर अगाडि जान तयार छ ।’

उनले अघि भनेे- तर, एउटा कुरा भन्न चाहन्छु । लाखौं मानिस एकातिर भन्दैछन्, दुईजना मान्छे निस्कियो, म पनि नेपाली हुँ मैले भनेको अनुसार हुनुपर्छ भन्यो भने के गर्ने ?
‘सबैले ग्यास चाहिन्छ भन्छ, पेट्रोल चाहिन्छ भनेको तर, केही गएर बाटो छेकको उनले बताए । ‘त्यो पनि नेपाली नै भनेर मानिदिनुपरेको छ’ ओलीले भने- ‘के चाहियो ? म एकदम लचिलो छु । जायज माग सबै पूरा गर्छु, बसौं कुरा गरौं, तर, नेपाली जनतालाई धरधर रुवाउने काम नगरौं ।’

नेपाल राष्ट्रलाई असर नगर्ने, शीर ननिहुराउने नेपाली जनतालाई नोक्सान नपर्ने सबै काम गर्न तयार रहेको ओलीले बताए । उनले भने-‘नोट गरेर राख्नुभए पनि हुन्छ, सबै माग पूरा हुन्छ ।’
प्रधानमन्त्री ओलीले कांग्रेसलाई पनि सरकारमा आउन आग्रह गरे । स-साना कुरा लिएर कुद्ने बेला नभएको भन्दै उनले भने-नाकाबन्दीले तबाह गरेको छ । यसबाट अगाडि बढेर एक जुट भएर राष्ट्र निर्माणमा जुट्नुर्छ । कहाँ पाइन्छ, त्यहाँ निउ खोज्ने समय छैन ।’
कांग्रेसलाई के भो, के भो छुट्टै पिर्का लिएर परतिर बसेको भन्दै उनले साथमै लिएर अघि बढ्ने बताए । उनले भने- ‘कांग्रेसले त्यो गर्न मिल्दैन । र, कारण नै छैन । सरकारमा सामेल भएर देश बनाउनुपर्छ ।’
- onlinekhabar